ORASAUN FOUN ORDINÁRIO BA MISSA NIAN

ORASAUN FOUN ORDINÁRIO BA MISSA NIAN
Com Aprovação Eclesiástica
2014

Confessa Ita salan

Ha’u confessa,
ba Maromak Kbiit-tomak Na’in,
No ba imi,Maun-Alin no feton sira,
Katak ha’u sala fila-fila,
Hodi hanoin no hateten,
Hodi hahalok no la hala’o ha’u knar,
Ha’u sala, ha’u sala tebes duni.
Tan ne’e ,
Ha’u husu ba santa Maria,
Virgem nafatin,
Ba Anjo no Santo Sira hotu,
No mos ba imi
Maun-Alin no Feton sira,
Atu harohan ba Maromak , Ita Na’in mai ha’u.
Amen

 

Glória ba Maromak,

Glória ba Maromak iha leten aas liu,
Paz iha rai-klaran ba ema sira be laran-diak.
Na’i Maromak, liurai lalehan,
Aman Maromak kbiit-tomak Na’in:
Ami hawelok Ita, Ami Hahí ita, Ami adora ita,
ami haliban Ita, ami agradece Ita,
tan ita nia glória boot tebes.
Na’i Jesus kristu, Oan-Mane Mesak,
Na’i Maromak, bibi-oan Maromak,
Aman Maromak nia Oan:
Ita be kasu mundo nia salan, sadi’a ami.
Ita be kasu mundo nia salan, simu ami nia harohan,
Ita be hatodan-An iha Aman nia sorin Kwana, sadi’a
ami.
Tan ita mesak de’it Santo;
Ita mesak de’it Na’i;
Ita mesak Aas liu nobun, Jesus Kristu,
Hamutuk ho Espirito Santo:
Iha Aman Maromak nia Glória.
Amen.

 

Credo

Ha’u fiar Maromak mesak ida de’it,
Aman Kbiit-tomak Na’in,
Mahalo Lalehan no rai,
Buat hotu be bele haré no labele haré.
Ha’u fiar Na’i ida de’it, jesus kristu,
Maromak Oan-mane Mesak,
Moris nanis hosi Aman molok tempo hahú.
Maromak hosi Maromak,
Naroman hosi Naroman,
Maromak los, hosi Maromak loloos;
Aman hako’us, la halo Nia,
Nia-An ida de’it ho Aman.
Buat hotu halo ona hodi Nia.
Tan ita ema, atu soi ita,
Nia tun ona husi lalehan.
Halo nia-An ba ema,
Hodi Espirito santos, Nia halo isin, iha Virgem Maria nai
knotak,
Halo Nia-An ba ema.
Tan mos ba ita, ema hedi nia ba cruz,
Iha pôncio pilatos nia ukun; terus, mate tiha, ema hakoi
Nia.
Liu loron tolu, Tuir Escritura,
Nia hahú moris-hi’as; hi’it-An ba Lalehan,
Hein-An iha Aman nia sorin kwana.
Nia sei mai fali ho glória,
Atu tesilia ba ema moris no ema mate;
Nia ukun sei rohan-laek.
Ha’u fiar Espírito Santo, Na’i be haraik moris, mai husi
Aman no Oan;
Ema hana’i haliban hamutuk ho Aman no Oan:
Nia ha’e lia tun liu husi Profeta sira.
Ha’u fira Kreda ida-mesak,
santa, católica, apostólica.
Ha’u haklaken babtismo ida de’it atu kasu salan.
Ha’u hein moris-hi’as mate sira, no moris ida be sei
mai. Amen

 

Tuir Maksoin Hanorin, Ita Barani Harohan:

 Ami Aman

Ami Aman, be iha lalehan,
Halo ami hahí-hana’i ita naran,
Halo ita nia reino mai to’o ami,
Ita hakarak halo tuir ba
Iha rai nu’udar iha lalehan.
Ohin ne’e
haraik aihan lor-loron nian mai ami;
haraik perdão mai ami salan,
nu’udar ami perdua ema halo aat ami;
labele husik ami monu ba tentação,
maibe hasai ami hosi aat.